Ёзги мавсумда ЎРВИ: дори қутисини нима билан тўлдириш керак

Грипп ва бошқа ўткир респиратор вирусли инфекциялар дунёдаги энг кенг тарқалган касалликлардан бири бўлиб қолмоқда. Эпидемиологик кузатувлар маълумотларига кўра, барча юқумли касалликларнинг 90 фоизи улар ҳиссасига тўғри келади¹.

Касаллик белгилари билан самарали курашиш ва асоратларнинг олдини олиш учун замонавий клиник тавсияларга эътибор қаратиш муҳим. Ёзги шамоллаш мавсумида қўл остингизда қандай дори-дармонлар бўлиши кераклиги ҳақида сўз юритамиз.

Одатий, лекин ҳамон хавфли

Замонавий тиббиётда 350 дан ортиқ пневмотроп вируслар маълум бўлиб, уларнинг ҳар бири нафас йўлларида ўткир яллиғланиш жараёнларини келтириб чиқариши мумкин. COVID-19 пандемиясидан сўнг грипп яна биринчи ўринга чиқди — ҳам клиник кечиш оғирлиги, ҳам асоратлар хавфи бўйича. Бироқ, бошқа қўзғатувчилар ҳам хавфли: аденовирус, парагрипп, респиратор-синситиал вирус жиддий кўринишларга олиб келиши мумкин —баъзи ҳолларда ҳатто ўлимга ҳам сабаб бўлиши мумкин.

Шуни ёдда тутиш керакки, ЎРВИ кўпинча сурункали касалликларни кучайтиради. Клиник кузатувлар маълумотларига кўра:

• бронхиал астма қайталанишларининг 80 фоизигача

• ва ОСОК хуружларининг 20 дан 60 фоизигача

айнан ўткир респиратор инфекциялар туфайли юзага келади².

Бундан ташқари, вирус юкламаси қуйидаги касалликлар кечишига салбий таъсир кўрсатади:

• юрак ишемик касаллиги,

• гипертония,

• сереброваскуляр бузилишлар,

• қандли диабет.

Тез ва мақсадли

ЎРВИ ни даволаш самарадорлиги кўп жиҳатдан даволашни ўз вақтида бошлашга боғлиқ. Энг мақбул вақт —касаллик белгилари пайдо бўлган дастлабки 48 соат ичида, айниқса этиотропик даволаш ҳақида гап кетганда.

Касаллик белгиларини комплекс ва самарали бартараф этамиз

ЎРВИда касаллик белгиларининг кенг кўлами комбинацияланган таркибли препаратларни айниқса долзарб қилади. Бундай воситалар бир вақтнинг ўзида бир неча йўналишда таъсир кўрсатиб, беморнинг умумий аҳволини тезда енгиллаштиради ва касаллик белгиларини камайтиради.

Клиник кўринишга қараб, фармакотерапия қуйидаги мақсадли дорилар билан тўлдирилади:

• бурун битиши ва ринореяни бартараф этиш,

• яллиғланиш ва томоқ оғриғини камайтириш,

• қуруқ ёки балғамли йўтални даволаш.

Бундай ёндашув нафақат сабабга, балки касалликнинг асосий патогенетик ва симптоматик бўғинларига ҳам таъсир кўрсатиш имконини беради.

Шахсий ёндашув — хавфсизликни таъминлаш гарови

Дори воситаларини тайинлаш ва бериш беморнинг ўзига хос хусусиятларига алоҳида эътибор қаратишни талаб этади, айниқса заиф гуруҳлар вакиллари ҳақида гап кетганда:

- болалар,

- ҳомиладор ва эмизикли аёллар,

- сурункали касалликларга чалинган кексалар.

Ҳар бир дори воситасининг ўзига хос қўлланилиш нозикликлари мавжуд ва айнан шу сабабли профессионал фармацевтик маслаҳат ўткир нафас йўллари инфекцияларини хавфсиз ва самарали даволашни таъминлашда муҳим омилга айланмоқда.

Тўғри ёндашув нафақат ножўя таъсирларнинг олдини олишга, балки даволанишга содиқликни оширишга ҳам ёрдам беради.

ЎРВИ аломатларини тезда енгиллаштириш ва шу билан бирга беморнинг индивидуал хусусиятларини ҳисобга олиш муҳим бўлган вазиятда “Риномакс Хот Эффект" оқилона танлов ҳисобланади. Иссиқ ичимлик тайёрлаш учун мўлжалланган бу кукун комплекс таъсирга эга - ҳароратни пасайтиради, оғриқ ва бурун битишини енгиллаштиришга, умумий аҳволни яхшилашга кўмаклашади.

"Риномакс Хот Эффект" комбинацияланган препарати таркибига парацетамол 325 мг, хлорфенирамин малеат 20 мг, фенилефрин гидрохлорид 10 мг ва аскорбин кислотаси 50 мг киради.

"Риномакс Хот Эффект" — грипп ва ЎРВИ аломатларини бартараф этувчи восита. 12 ёшдан катта болалар ва катталарга қўлланилади. Қўллаш усули: пакет таркиби 1 стакан иссиқ сувда эритилади. Иссиқ ҳолида ичилади. Такрорий дозани ҳар 4-6 соатда қабул қилиш мумкин (24 соат давомида 3 дозадан ошмаслиги лозим). 

"Риномакс Хот Эффект"ни куннинг исталган вақтида қўллаш мумкин, аммо препаратни уйқудан олдин, кечқурун қабул қилиш энг яхши самара беради. Таъсири 10 дақиқа ичида бошланиб, 4-6 соатгача давом этади. Комплекс ва тизимли таъсир кўрсатади.

"Риномакс Хот Эффект"ни бериш чоғида фармацевтик маслаҳат қабул қилиш схемасини муайян беморга мослаштириш имконини беради, бу эса даволашнинг максимал самарадорлиги ва хавфсизлигини таъминлайди.