Аtsetiltsistein, askorbin kislotasi.
Kattalar va 14 yoshdan katta oʼsmirlarga preparatni 200 mg dan sutkada 2-3 marta buyuriladi.
6 dan 14 yoshgacha boʼlgan bolalarga 100 mg dan (1/2 paketcha) sutkada 3 marta yoki 200 mg dan (1 paketcha) sutkada 2 marta,
2 dan 6 yoshgacha - 100 mg dan (1/2 paketcha) sutkada 2 marta,
1 yoshdan 2 yoshgacha boʼlgan bolalarga – 100 mg (1/2 paketcha) dan sutkada 2 marta qabul qilish tavsiya qilinadi.
Yangi tugʼilgan goʼdaklarda preparat faqat hayotiy koʼrsatmalarga binoan 10 mg/kg tana vazniga dozada shifokorning qatʼiy nazorati ostida qoʼllaniladi.
Qoʼllashdan oldin kerakli miqdordagi kukun 1/3 stakan suvda eritib olinadi. Olingan eritma hayotining birinchi yilidagi bolalarga qoshiq yoki butыlkachalarda ichiriladi.
Davolash kursi davomiyligi individual ravishda aniqlanadi.
Аtsetiltsistein sistein aminokislotasining xosilasi hisoblanadi. Mukolitik taʼsirga ega, balgʼamni suyultiradi, uning hajmini oshiradi va shu orqali balgʼam ajralishini yengillashtiradi, balgʼam koʼchishiga yordam beradi. Аtsetiltsisteinning taʼsiri uning sulfgidril guruhlarini balgʼamning kislotali mukopolisaxaridlari disulfid bogʼlarini uzish xususiyati bilan bogʼliq boʼlib, bu esa mukoproteidlarni depolyarizatsiyasiga va shilliqni qovushqoqligini kamayishiga olib keladi. Natijada mukotsiliar klirens oshadi va balgʼamning koʼchishi yaxshilanadi.
Preparat yiringli balgʼam boʼlganida ham faolligini saqlaydi.
Reaktiv sulьfgidril guruhlarining (SN-gurux) oksidlovchi radikallarini bogʼlash xususiyatiga va shu orqali ularni bartaraf etishga asoslangan antioksidant taʼsir koʼrsatadi.
Bundan tashqari atsetiltsistein oksidlanishga qarshi tizim va organizmni kimyoviy detoksikatsiyalashning muxim komponenti boʼlgan glutationni sintez qilish qobiliyati tufayli, yalligʼlanish koʼrinishlarini kamaytirish qobiliyatiga ega. Аtsetiltsisteinning antioksidlanish taʼsiri jadal yalligʼlanish reaktsiyasiga xos boʼlgan hujayralarni erkin radikal oksidlanishning shikastlovchi taʼsiridan himoyasini oshiradi.
Аtsetiltsistein profilaktik qoʼllanilganda surunkali bronxit va mukovistsidozi boʼlgan patsientlarda bakterial etiologiya chastotasi va kuchayishining kamayishi kuzatiladi.
RINOMАKS® BRONXO preparati quyidagi hollarda:
balgʼam koʼchishining buzilishi bilan kechuvchi nafas aʼzolari kasalliklari (shu jumladan, bronxit, traxeit, bronxiolit, zotiljam, bronxoektatik kasallik, mukovistsidoz, oʼpka abstsessi, oʼpka emfizemasi, laringotraxeit, oʼpkaning interstitsial kasalliklari, oʼpka atelektazi /bronxlarning shilliq qatlam bilan yopilib qolishi oqibatida).
kataral va yiringli otit, sinusit, shu jumladan, gaymorit (sekret koʼchishini yengillashtirish uchun);
posttravmatik va jarrohlik aralashuvidan keyingi holatlarda nafas yoʼllaridan yopishqoq sekretni yoʼqotish uchun;
paratsetamol dozasi oshirib yuborilganda antidot sifatida qoʼllaniladi.
Har qanday dori vositasi kabi, RINOMАKS® BRONXO ham, har kimda ham kuzatilmasa-da, nojoʼya taʼsirlar keltirib chiqarishi mumkin.
Nojoʼya taʼsirlarni uchrash -tezligini baholash uchun quyidagi tasniflash ishlatiladi: juda koʼp (≥1/10), tez-tez (≥1/100 <1/10), tez-tez emas (≥1/1000 <1/100), kam hollarda (≥1/10 000 <1/1000), juda kam hollarda (<1/10000), uchrash-tezligi nomaʼlum (nojoʼya holatlarning paydo boʼlish uchrash-tezligini mavjud maʼlumotlar asosida aniqlab boʼlmaydi).
Аlohida holatlarda quyidagi nojoʼya reaktsiyalar kuzatilishi mumkin:
- allergik reaktsiyalar: tez-tez emas – teri qichishi, toshma, ekzantema, eshakemi, angionevrotik shish; juda kam hollarda – anafilaktik reaktsiyalar to anafilaktik shok holatigacha, Stivens-Djonson sindromi, toksik epidermal nekroliz (Layell sindromi);
- yurak-qon tomir tizimi tomonidan: tez-tez emas – taxikardiya, arterial gipotenziya;
- nafas olish tizimi tomonidan: kam xollarda – hansirash, bronxospazm (koʼpincha bronxial astmada bronxlarning giperreaktivligi boʼlgan patsientlarda);
- meʼda-ichak yoʼllari tomonidan: tez-tez emas – stomatit, abdominal ogʼriq, koʼngil aynishi, qusish, diareya, jigʼildon qaynashi, dispepsiya;
- sezgi aʼzolari tomonidan: tez-tez emas – quloqlarda shovqin;
- boshqalar: juda kam hollarda– bosh ogʼrigʼi, isitma, yuqori sezuvchanlik reaktsiyalari mavjudligi bilan bogʼliq qon ketishning rivojlanishi haqidagi juda kam uchraydigan maʼlumotlar, trombotsitlar agregatsiyasining pasayishi.
Аgar Sizda ushbu tibbiyotda qoʼllanilishiga doir yoʼriqnomada keltirilmagan istalgan boshqa nojoʼya reaktsiyalar kuzatilayotgan boʼlsa, iltimos, shifokoringiz, farmatsevt yoki ishlab chiqaruvchiga xabar bering.
RINOMАKS® BRONXO quyidagi holatlarda qoʼllanilmasin:
atsetiltsistein yoki preparatning boshqa komponentlariga yuqori sezuvchanlik;
meʼda va oʼn ikki barmoq ichak zoʼraygan fazadagi yara kasalligi;
homiladorlik va laktatsiya davri;
2 yoshgacha boʼlgan bolalar (ichish uchun eritma tayyorlashga kukun);
Preparatni ichga qabul qilish uchun eritma tayyorlashga kukun shaklida 2 yoshgacha boʼlgan bolalarda faqat hayotiy koʼrsatmalar mavjud holatda va shifokorning qatʼiy nazorati ostida qoʼllash mumkin.
meʼda va oʼn ikki barmoq ichak yara kasalligi, qiziloʼngach venalarining varikozli kengayishi, qon tupurish, oʼpkadan qon ketishi, bronxial astma, obstruktiv bronxit, buyrak usti bezlari kasalliklari, jigar va/yoki buyrak yetishmovchiligi, arterial gipertenziyada Ehtiyotkorlik bilan qoʼllaniladi.
Bronxial astmasi boʼlgan patsientlarga atsetiltsistein ehtiyotkorlik bilan, bronxial oʼtkazuvchanlikning tizimli nazorati ostida buyurilishi mumkin. Balgʼamning drenajini taʼminlash zarurdir.
Аtsetiltsisteinni qoʼllashda Stivens-Djonson sindromi va toksik epidermal nekroliz (Layell sindromi) kabi ogʼir allergik reaktsiyalarning rivojlanish holatlari haqida juda kam hollarda xabar berilgan. Teri va shilliq qavatlarda oʼzgarishlar paydo boʼlganda, darhol shifokorga murojaat qilish zarur, preparatni qabul qilishni toʼxtatish lozim.
Uzoq muddat qoʼllanilganda jigar, buyrak va buyrak usti bezlarining funktsiyalari hamda qondagi ferment koʼrsatkichlarni nazorat qilish lozim.
Preparatni bevosita uyquga ketish oldidan qabul qilish tavsiya qilinmaydi (18:00 gacha qabul qilish tavsiya etiladi).
Preparatni qandli diabeti boʼlgan patsientlarga buyurilganda, preparat saxaroza saqlashini hisobga olish lozim.
Аtsetiltsistein va antibiotiklarni qabul qilishlar orasidagi 1-2 soatlik intervalga rioya qilish lozim.
Preparatni eritishda shisha idishdan foydalanish kerak, metall va rezina yuzalar bilan muloqot qilmaslik zarur.
Kukun solingan paketcha ochilganda oltingugurt hidi kelishi mumkin, bu faol moddaning hidi hisoblanadi.
Jigar funktsiyasi buzilganda qoʼllanishi
Ehtiyotkorli bilan: jigar yetishmovchiligi.
Buyrak funktsiyasi buzilganda qoʼllanishi
Ehtiyotkorlik bilan: buyrak yetishmovchiligi.
Homiladorlik va laktatsiya davrida qoʼllanishi
Аgar Siz preparatni qoʼllash vaqtida homilador ekanligingizni bilib qolsangiz, darhol bu haqda shifokoringizga xabar bering, chunki faqat u davolashni davom ettirish zaruriyati haqidagi masalani hal etishi mumkin.
Homiladorlikda preparat faqat ona uchun kutilayotgan foyda homila uchun potentsial xavfdan ustun boʼlgandagina buyuriladi.
Preparatni laktatsiya davrida buyurish zaruriyati tugʼilgan holatda emizishni toʼxtatish kerak.
Pediatriyada qoʼllanishi
2 yoshgacha boʼlgan bolalarda qoʼllash mumkin emas (ichga qabul qilishga eritma tayyorlash uchun kukun).
Preparatni ichga qabul qilish uchun eritma tayyorlashga kukun shaklida 2 yoshgacha boʼlgan bolalarda faqat hayotiy koʼrsatmalar mavjud holatda va shifokorning qatʼiy nazorati ostida qoʼllash mumkin.
Аvtomobilni va murakkab mexanizmlarni boshqarish qobiliyatiga taʼsiri
Tavsiya qilingan dozalarda atsetiltsisteinning transport vositalarini boshqarish va diqqatni jamlash hamda psixomotor reaktsiyalar tezligini talab etuvchi boshqa faoliyat turlarini bajarish qobiliyatiga salbiy taʼsiri haqidagi maʼlumotlar mavjud emas.
