Rinomaks Xot Ekstra

Majmuaviy preparat, ta’siri uning tarkibiga kiruvchi komponentlari bilan bog‘liq.
Paratsetamol - analgetik-antipiretik, og‘riq va termoregulyatsiya markazlariga ta’sir qiladi. Og‘riqni qoldiruvchi va isitmani tushiruvchi ta’sir ko‘rsatadi. Bosh va mushak og‘riqlarini, isitma ko‘rinishlarini kamaytiradi, tomoq og‘rig‘ini yumshatadi.
Fenilefrin gidroxloridi – simpatomimetik modda bo‘lib, qon tomirlarini toraytiruvchi ta’sir ko‘rsatadi, burun orqali nafas olishni yengillashtiradi, burun yo‘llari va burun atrofi bo‘shliqlarning tozalanishiga imkon beradi. 
Askorbin kislotasi – “shamollashli” kasalliklar va grippda, ayniqsa kasallikning boshlang‘ich bosqichlarida S vitaminiga bo‘lgan yuqori ehtiyojni to‘ldiradi.

Yuqori tana harorati, etni uvishishi, bosh og‘rig‘i, bo‘g‘imlar va mushaklardagi og‘riq, burun bitishi, tomoq va burun bo‘shliqlarining og‘rig‘i bilan birga kechuvchi yuqumli-yallig‘lanishli kasalliklar (O‘RK, O‘RVI, gripp) da qo‘llanadi.

Har qanday dori vositasi kabi, Rinomaks® Xot Ekstra ham  har bir iste’molchida kuzatilmasada, nojo‘ya ta’sirlar chaqirishi mumkin.
Quyida me’yoriy-huquqiy faoliyat bo‘yicha Tibbiy lug‘at tasnifi bilan muvofiq holda tizim-a’zoli sinflar (MedDRA) bo‘yicha bo‘lingan nojo‘ya samaralar keltirilgan. Nojo‘ya samaralarning uchrash soni ko‘rsatish uchun BJSST tasnifdan foydalanilgan: juda ko‘p (≥10%), ko‘p (≥1% va <10%), ko‘p  emas (≥0.1% va <1%), kam (≥0.01% va <0.1%), juda kam (<0.01%), uchrash soni  noma’lum (mavjud ma’lumotlar asosida nojo‘ya samaraning uchrash sonini aniqlashning iloji yo‘q).
Tavsiya qilingan dozalarda preparat odatda yaxshi o‘zlashtiriladi. 
Paratsetamol ta’siri bilan asoslangan nojo‘ya samaralar 
Paratsetamol kam hollarda nojo‘ya ta’sir ko‘rsatadi.  Alohida holatlarda quyidagi nojo‘ya reaksiyalar kuzatilishi mumkin:    
- immun tizimi tomonidan: juda kam - anafilaktik shok, gipersezuvchanlik reaksiyalari, angionevrotik shish, Stivens-Djonson sindromi;
- teri va teri osti to‘qimalari tomonidan: juda kam – teri toshmasi, eshakemi;
- qon va limfa tizimi tomonidan: juda kam - trombotsitopeniya, leykopeniya, agranulotsitoz;
- nafas tizimi, ko‘krak qafasi va to‘sh oralig‘i a’zolari tomonidan: juda kam – atsetilsalitsil kislotasi va boshqa nosteroid yallig‘lanishga qarshi vositalar (NYAQV) ga sezuvchan bemorlarda bronxospazm;
- jigar va o‘t chiqarish yo‘llari tomonidan: juda kam – jigar faoliyatining buzilishi. Tavsiya qilingan dozalarni oshirish bilan uzoq muddat qo‘llanganda gepotoksik va nefrotoksik ta’sir kuzatilishi mumkin. 
Fenilefrin ta’siri bilan asoslangan nojo‘ya samaralar 
Alohida holatlarda quyidagi nojo‘ya reaksiyalar kuzatilishi mumkin:
- asab tizimi tomonidan: ko‘p – bosh og‘rig‘i, bosh aylanishi, uyqusizlik;
- ruhiyatning buzilishi: ko‘p - yuqori qo‘zg‘aluvchanlik; juda kam - ta’sirchanlik, asablar zo‘riqishi;
- yurak va qon tomirlar tomonidan: ko‘p – arterial bosimning oshishi; kam - taxikardiya, yurak urishini his qilish;
- me’da-ichak yo‘llari tomonidan: ko‘p – ko‘ngil aynishi, qusish;
- ko‘rish a’zosi tomonidan: kam - midriaz, yopiq burchakli glaukomasi mavjud bemorlarda ko‘p holatlarda glaukomaning o‘tkir hurujlari;
- teri va teri osti to‘qimalari tomonidan: kam – allergik reaksiyalar (teri toshmasi, eshakemi, allergik dermatit);
- buyraklar va siydik chiqarish yo‘llari tomonidan: kam - dizuriya, prostata bezining gipertrofiyasida siydik pufagining chiqish teshigi obstruksiyasi mavjud bemorlarda siyishning tutilishi.
Askorbin kislotasi ta’siri bilan asoslangan nojo‘ya samaralar 
Nojo‘ya samaralar rivojlanishining uchrash soni aniqlanmagan. Alohida holatlarda quyidagi nojo‘ya reaksiyalar kuzatilishi mumkin: 
- teri va teri osti to‘qimalar tomonidan: teri toshmasi, teri giperemiyasi.
- me’da-ichak yo‘llari tomonidan: me’da-ichak yo‘llari shilliq qavatining ta’sirlanishi;
- qon va limfa tizimi tomonidan: trombotsitoz, giperprotrombinemiya, eritropeniya, neytrofil leykotsitoz, gipokaliyemiya.    
Askorbin kislotasi 600 mg/sutka dan yuqori dozada qabul qilinganda, mo‘tadil pollakiuriya yuzaga chiqishi mumkin.
Quyidagi holatlarda preparatni qabul qilish to‘xtatilsin va darhol shifokorga murojaat qilinsin:
-    agar Sizda quyidagi allergik reaksiyalar kuzatilsa: teri qichishishi yoki terining qizarishi, nafas olishning qiyinlashishi yoki lablar, til, tomoq yoki yuz shishi; 
-    terida toshma va qitiqlanishning , og‘iz shilliq qavatida esa yaralarning paydo bo‘lishi; 
-    agar Sizda ko‘karishlar yoki qon ketishlar yuzaga kelsa;
-    agar Siz ko‘rish qobiliyatingizning yo‘qolishini his etayotgan bo‘lsangiz. Bu ko‘z ichki bosimining oshishi oqibati bo‘lishi mumkin. Juda kam hollarda, lekin katta ehtimol bilan ushbu nojo‘ya samara glaukomasi bo‘lgan bemorlarda kuzatiladi;
-    agar Siz kuchli yurak urishi yoki yurak urishi sonini ortishi va buzilishini his qilayotgan bo‘lsangiz;
-    agar Siz siydik ajratishda qiyinchilik his qilayotgan bo‘lsangiz; ko‘pincha ushbu samara prostata bezining gipertrofiyasi bo‘lgan bemorlarda kuzatiladi.
agar Sizda atsetilsalitsil kislotasi yoki nosteroid yallig‘lanishga qarshi preparatlar avval qabul qilinganda, nafas buzilishi kuzatilgan bo‘lsa, preparatni qabul qilmang.
Nojo‘ya samaralar paydo bo‘lgan holatda, preparatni qabul qilishni darhol to‘xtating va imkon qadar tezroq shifokorga murojaat qiling. 
Agar Sizda ushbu yo‘riqnomada ta’riflanmagan har qanday boshqa nojo‘ya ta’sirlar qayd etilsa, iltimos, O‘zingizning shifokoringizga, farmatsevtingizga yoki ishlab chiqaruvchiga xabar bering.

Rinomaks® Xot Ekstra quyidagi hollatlarda qo‘llanilmasin: jigar va/yoki buyrak faoliyatining yaqqol buzilishlari;  gipertireoidizm (tireotoksikoz); yurak kasalliklari (aorta og‘zning yaqqol stenozi) o‘tkir miokard infarkti, taxiaritmiya; arterial gipertenziya; tritsiklik antidepressantlar, beta-adrenoblokatorlar, MAO ingibitorlarini bir vaqtda qabul qilish (shu jumladan ular bekor qilingandan keyingi 14 kungacha bo‘lgan davrda); bir vaqtda boshqa paratsetamol saqlovchi vositalar va «shamollash», gripp va burunning bitishi belgilarini yengillashtirish uchun mo‘ljallangan vositalarni qabul qilish; prostata bezining giperplaziyasi;  yopiq burchakli glaukoma; 12 yoshgacha bo‘lgan bolalar; qandli diabet va  saxaroza/izomaltoza tanqisligi, fruktozani o‘zlashtira olmaslik, glyukoza-galaktoza malabsorbsiyasi (chunki, preparat saxaroza saqlaydi); preparatning tarkibiy komponentlariga yuqori sezuvchanlikda. 
Glyukozo-6-fosfatdegidrogenaza genetik jihatdan mavjud bo‘lmaganda, yaxshi sifatli giperbilirubinemiyada, buyrak yoki jigar yetishmovchiligida, arterial bosim oshganda, yurak kasalliklarida, qon tomirlarning obliteratsiyalovchi kasalliklarida (Reyno sindromi), glaukomada (istisno o‘rnida, yopiq burchakli glaukoma), feoxromotsitomada, homiladorlik va laktatsiya (emizish) davrida, keksa yoshdagi bemorlarda preparatni ehtiyotkorlik bilan qo‘llash kerak.

Preparatni faqat tavsiya qilingan dozalarda qabul qilish kerak!
Preparatni bir vaqtning o‘zida paratsetamol saqlovchi boshqa preparatlar, shuningdek, boshqa nonarkotik og‘riq qoldiruvchilar, NYAQV (natriy metamizoli, atsetilsalitsil kislotasi, ibuprofen va h.k.), “shamollash” belgilarini bartaraf etish uchun preparatlar, dekongestantlar kabi simpatomimetiklar, ishtahani boshqaruvchi preparatlar, amfetaminsimon psixostimulyatorlar, barbituratlar, tutqanoqqa qarshi dori vositalari, rifampitsin, xloramfenikol bilan qabul qilish mumkin emas.
Siydik kislotasi va qondagi glyukoza miqdorini aniqlash tahlilini o‘tkazishda Rinomaks® Xot Ekstra preparatini qo‘llanilayotganligi haqida shifokorga xabar bering, chunki preparat glyukoza va siydik kislotasi konsentratsiyasini baholovchi laboratoriya tahlillari natijalarini noto‘g‘ri ko‘rsatishi mumkin.
Preparatni qandli diabet bilan og‘ruvchi     yoki shakar  miqdori kamaytirilgan parhezda bo‘lgan bemorlar qabul qilganda, har bir paketcha tarkibida 19, 5 g qand mavjudligini hisobga olishlari zarur.
Rinomaks® Xot Ekstra preparatini qabul qilishdan avval quyidagi preparatlar qabul qilinayotganligi haqida shifokorga xabar berish kerak:
-    varfarin yoki qonni suyultirish uchun boshqa bilvosita antikoagulyantlar;
-    arterial bosimni nazorat qilish uchun dori preparatlari, masalan beta-adrenoblokatorlar;
-    digoksin yoki yurak yetishmovchiligini davolash uchun boshqa yurak glikozidlari;  
-    ishtahani pasaytirish uchun preparatlar yoki psixostimulyatorlar;
-    depressiyani davolash uchun preparatlar (tritsiklik antidepressantlar – amitriptilin);
-    metoklopramid, domperidon (ko‘ngil aynishi va qusishni bartaraf etish uchun qo‘llaniladi) yoki qondagi xolesterin miqdorini pasaytirish uchun qo‘llaniluvchi kolestiramin;
-    giponatriyli parhez tutishga zaruriyat bo‘lganda (har bir paketcha 0,12 g natriy saqlaydi).
Jigar va buyrak faoliyati buzilishlarida qo‘llanishi 
Jigarning toksik zararlanishining oldini olish maqsadida preparatni etanol saqlovchi preparatlar bilan birgalikda qo‘llash mumkin emas. 
Yaqqol darajada jigar va/yoki buyrak faoliyati buzilishlari bo‘lgan bemorlarda qo‘llash mumkin emas.
Buyrak yoki jigar yetishmovchiligi bo‘lgan bemorlarda ehtiyotkorlik bilan qo‘llanilishi kerak.
Keksa yoshdagi bemorlarda qo‘llanishi
Keksa yoshdagi patsiyentlarda ehtiyotkorlik bilan qo‘llanishi kerak. 
Pediatriyada qo‘llanishi 
12 yoshgacha bo‘lgan bolalarda qo‘llash mumkin emas. 
Homiladorlik va emizish davrida qo‘llanishi 
Agar Siz Rinomaks® Xot Ekstra preparatini qabul qilayotgan vaqtda homilador ekanligingizni bilib qolsangiz, bu haqda zudlik bilan shifokoringizga xabar bering, faqat u davolashni davom ettirish zaruriyati haqidagi masalani hal etishi mumkin.
Rinomaks® Xot Ekstra preparatini homiladorlik va laktatsiya davrida faqat shifokorning qat’iy nazorati ostida, xavf/foyda nisbati baholangandan so‘ng qo‘llanishi mumkin. Fenilefrin ko‘krak sutiga kirib berishi mumkin.
Avtomobil yoki boshqa mexanizmlarni boshqarish qobiliyatiga ta’siri 
Ta’sir ko‘rsatmaydi (tavsiya qilingan dozalarda qabul qilinganda). Bosh aylanishi yuzaga kelganda transport vositalarini boshqarish yoki mexanizmlar bilan ishlash tavsiya qilinmaydi.